كيفاش تختار(ي) التوجه الدراسي أو المهني ديالك حسب ميولاتك و قدراتك؟ كيفاش تكون(ي) راسك و تتعلم(ي) مهارات اللي مطلوبة فسوق الشغل ؟ كيفاش تدير(ي) المعارف و تقنع(ي) الناس بالكفاءة ديالك ؟ فالسلسلة الجديدة كيدرتي ليها غتكتشفو مسارات مختلفة، و أحيانا غير متوقعة، ديال ناس اللي قدرو يحققوا كل أو جزء من الأحلام ديالهم غتتعرفو كذلك على قصص نجاح شخصيات مشهورة، و كيفاش تغلبو على التحديات النفسية والصعوبات المادية اللي واجهتهم تابعوا حوارات و قصص ضيوف برنامج كيدرتي ليها على 9rayti.com
فالحلقة 6 من سلسلة "كيدرتي ليها"، خالد، فنان و طبوغراف ابن حي أنزا-تدّارت، غيشرح لينا كيفاش احتفظ بالشّغف ديالو بالرّسم الكاريكاتوري و علاش اختار مهنة الطّبوغراف
مسار خالد المرابط
- باكالوريا شعبة العلوم التجريبية بمعدل 11
- DEUG فالجيولوجيا التطبيقية
- دبلوم طبّوغراف من معهد للتكوين المهني
الى عجباتكم الحلقة شاركوها مع صحابكم و صحاباتكم!